Ave Mater Dolorosa
Ave, Mater dolorosa,
martyrumque prima rosa,
audi vocem supplicis:
R. Fac, ut mortis in agone,
tua fidens protectione,
iusti pacem gaudeam.
Per dolorem, o Maria,
tibi Senis prophetia
velut ense, conditum:
R. Fac, ut mortis in agone, …
Per dolorem, quem tulisti,
in Aegyptum quum fugisti,
ut salvares Puerum:
R. Fac, ut mortis in agone, …
Per dolorem, quando moerens,
inter notos Iesum quaerens,
revocabas perditum:
R. Fac, ut mortis in agone, …
Per dolorem, qui te pressit,
dulcis Natus quum processit
fractus ligni pondere:
R. Fac, ut mortis in agone, …
Per dolorem cordi infixum,
dum spectabas Crucifixum,
sacra simul victima:
R. Fac, ut mortis in agone, …
Per dolorem, quando Christi
corpus ulnis excepisti,
e cruce depositum:
R. Fac, ut mortis in agone, …
Per dolorem, dum condebas,
pia Mater, et linquebas,
in sepulcro Filium:
R. Fac, ut mortis in agone, …
Christe, cum sit hinc exire,
Da per Matrem me venire
ad palmam victoriae.
Amen.
